जगदम्बा मोटर्सले चिनियाँ उत्पादक सान्सी अटोमोबाइल ग्रुपका दुई हेभी-ड्युटी विद्युतीय व्यावसायिक गाडीहरू नेपाली बजारमा ल्याएको छ। कम्पनीले साकम्यान (SHACMAN) ब्रान्डअन्तर्गत २ करोड ५ लाख रुपैयाँ मूल्य तोकिएको 'एक्स५०००ई ६×४' इलेक्ट्रिक प्राइम मुभर र २ करोड ३५ लाख रुपैयाँ पर्ने 'एक्स५०००ई ६×४' इलेक्ट्रिक टिपर सार्वजनिक गरेको हो। प्राइम मुभर लामो दूरीको ढुवानी तथा लजिस्टिक्सका लागि लक्षित छ भने टिपरलाई निर्माण कार्य र खानी क्षेत्रको कामका लागि डिजाइन गरिएको छ।
दुवै मोडलमा ३१० किलोवाट-आवर क्षमताको लिथियम आइरन फस्फेट ब्याट्री प्याक जडान गरिएको छ, जसले ३४० किलोवाटको अधिकतम पावर र २,८०० न्युटन-मिटर टर्क उत्पादन गर्छ। ६×४ ड्राइभट्रेन तथा २९५ मिलिमिटरको ग्राउन्ड क्लियरेन्स भएका यी गाडीहरूलाई ड्युअल-गन डिसी फास्ट चार्जरबाट एक घण्टामै चार्ज गर्न सकिन्छ भने पाँच मिनेटमै ब्याट्री स्वापिङ (फेर्ने) सुविधा पनि उपलब्ध छ।
परम्परागत डिजेल ट्रक सञ्चालन गर्न प्रतिकिलोमिटर करिब १३६ रुपैयाँ लाग्ने गरेकोमा यी विद्युतीय ट्रकहरू प्रतिकिलोमिटर करिब ३० रुपैयाँमै चलाउन सकिने जगदम्बा मोटर्सले जनाएको छ। यो सञ्चालन दक्षताले नियमित सञ्चालन खर्चलाई करिब ६० प्रतिशतसम्म घटाउने र धेरै प्रयोग हुने उद्योगहरूमा प्रतिट्रक वार्षिक २३ लाखदेखि २५ लाख रुपैयाँसम्म बचत हुने अनुमान कम्पनीले गरेको छ।
१ लेख
जगदम्बा मोटर्सले निर्माण, जलविद्युत र लामो दूरीको व्यावसायिक ढुवानीलाई लक्षित गर्दै शाकम्यानको एक्स५०००ई इलेक्ट्रिक प्राइम मुभर र टिपर नेपालमा सार्वजनिक गरेको छ।
पूरा समाचार पढ्नुहोस्
