भक्तपुरको सल्लाघारीस्थित खुला मैदानमा आगामी मंसिर १२ गते च्यारिटी संगीत महोत्सव "म्युजिक जात्रा-ख्वाप" आयोजना हुने भएको छ। लुपिक्स इन्टरटेनमेन्ट, दृष्टिकोण मिडिया र द रोयल इभेन्ट्सको संयुक्त आयोजनामा हुन लागेको यो कार्यक्रम कुमा सागर एन्ड द ख्वाप ब्यान्डको आफ्नै गृहनगरमा पहिलो कन्सर्ट हो। यस मञ्चमा मुक्ति एन्ड रिभाइभल, निभा डंगोल र छाबही डबलीका साथै नेवार समुदायका मौलिक देवी, कवंँचा, जंगली र खिचा नाच तथा बृहत् धिमे प्रस्तुतिहरू पनि समावेश हुनेछन्।
संस्थागत प्रायोजन र स्टल भाडाबाट संकलित रकमको आधा हिस्सा तथा महोत्सवका क्रममा प्राप्त हुने सम्पूर्ण डिजिटल सहयोग अपांगता भएका बालबालिकाको सहयोगार्थ भक्तपुरस्थित कम्युनिटी बेस्ड रिह्याबिलिटेसन अर्गनाइजेसन (सिबिआरओ) लाई प्रदान गरिने आयोजकहरूले बताएका छन्। महोत्सव परिसरमा मौलिक नेवारी खानपान तथा जीवनशैलीसँग सम्बन्धित स्टलहरू रहनेछन् भने दर्शकहरूले मुख्य प्रायोजक एक्सट्रिम इनर्जी ड्रिंकको एउटा खाली क्यान लिएर निःशुल्क प्रवेश पाउन सक्नेछन्।
१ लेख
भक्तपुरको सल्लाघारीमा मंसिर १२ गते कुमा सागर एन्ड द ख्वाप ब्यान्डको विशेष प्रस्तुतिसहित बृहत च्यारिटी कन्सर्ट आयोजना हुने भएको छ, जसको आम्दानीको केही हिस्सा अपाङ्गता भएका बालबालिकाको सहयोगार्थ प्रदान गरिनेछ।
पूरा समाचार पढ्नुहोस्
